Si të zgjasni jetën e baterisë së celularit tuaj

Clularët tuaj mund t’ju lënë në mes të rrugës, si gjatë një bisede pune ashtu dhe në mes të një bisede të ngrohtë. Krahas kësaj, nëse bateria e telefonit të ri që keni duhet të ndërrohet një herë në 6 muaj atëherë duhet të merrni këta masa.
Sipas një lajmi në adresën “Ehow”, që e transmeton Starti, ju mund të zgjasni edhe për disa vite jetën e baterisë së celularit tuaj nëse ndiqni sugjerimet e mëposhtme:

1. Prisni derisa bateria e telefonit tuaj të mbarojë plotësisht.

2. Nëse bateritë nuk karikohen shumë, atëherë do të jetojnë më gjatë. Për të mbrojtur telefonin nga karikimi i tepërt, mos e lini asnjëherë të karikohet natën. Nëse ju duhet ta lini natën, atëherë vendosni zilen pas 2-3 orësh dhe kontrollojeni nëse është karikuar.

3. Fikeni celularin veçanërisht natën. Kur telefoni përdoret për një kohë të gjatë bateria nxehet. Nëse e mbyllni telefonin në periudha të caktuara ftohet bateria dhe kështu do të jetë më e fortë.

4. Hapeni Bluetooth-in e telefonit vetëm në rastet e nevojshme. Bluetooth kërkon vazhdimisht aparatet në rrjet dhe kështu ndikon në harxhimin e shpejtë të baterisë.

5. Kujdes aplikimet e hapura. Programet e lëna hapur në sfond në celularët e përdorur shumë nga brezi i ri e mbarojnë shpejt baterinë pa e kuptuar fare.

6. Hapeni kur ju duhet lidhjen e shpejtë 3G me internetin. Mbajeni të mbyllur në rastet kur nuk e përdorni apo nuk ju duhet interneti.

7. Mos e hapni shumë ndriçimin e celularëve me ekran të gjerë.

8. Kur celularët janë në opsionin “gjumë” harxhojnë më pak energji. Duke përdorur veçoritë e celularit tuaj mundohuni ta shkurtoni kohën e kalimit në “gjumë” të telefonit.